ಯಲಹಂಕ: ಹಳಿ ದಾಟಲು ಮುಂದಾದಗ ರೈಲು ಚಲಿಸಲು ಪ್ರಾರಂಭವಾದ ತಕ್ಷಣ ಮಹಿಳೆಯೊಬ್ಬರು ತನ್ನ ಪ್ರಾಣವನ್ನು ಉಳಿಸಿಕೊಳ್ಳಲು ಹಳಿಯ ಮಧ್ಯದಲ್ಲಿ ಮಲಗಿ ಪ್ರಾಣಾಪಾಯದಿಂದ ಪಾರಾಗಿರುವ ಘಟನೆ ರಾಜಾನುಕುಂಟೆಯಲ್ಲಿ ನಡೆದಿದೆ.
ರಾಜಾನುಕಂಟೆಯ ಪಾರ್ವತಿ ಪುರ ಅದ್ದಿಗಾನಹಳ್ಳಿ, ತರಹುಣಸೆ, ಸುತ್ತಮುತ್ತಲಿನ ಹತ್ತಾರು ಹಳ್ಳಿಗಳ ಜನರು, ಕಾರ್ಮಿ ಕರು ಕೆಲಸಕ್ಕೆ ರಾಜಾನುಕುಂಟೆ ರೈಲನ್ನು ಆಶ್ರಯಿ ಸಿದ್ದು, ರೈಲಿಗೆ ಹೋಗಲು ಹಳಿಗಳನ್ನು ದಾಟಬೇಕಿದೆ.
ಇನ್ನು ರೈಲ್ವೆ ಕ್ರಾಸಿಂಗ್‌ ಸಮಯದಲ್ಲಿ 2-3 ರೈಲುಗಳು ಗೂಡ್ಸ್‌ ಗಾಡಿಗಳು ಇಲ್ಲಿ ಯಾವಾಗಲು ಚಲಿಸುತ್ತಿರುತ್ತವೆ. ಅದ್ದಿಗಾನಹಳ್ಳಿಯಲ್ಲಿ ವಾಸವಾಗಿರುವ ಮಹಿಳೆ ತನ್ನ ದಿನನಿತ್ಯದ ಕೆಲಸಕ್ಕೆ ರಾಜಾನುಕುಂಟೆಗೆ ಹೋಗಲು ಹೋಗಿದ್ದು ಒಂದು ರೈಲು ಕೆಳಗಡೆ ನುಗ್ಗಿ ಬಂದು ಮತ್ತೂಂದು ಗೂಡ್ಸ್‌ ಗಾಡಿಯ ಕೆಳಗಡೆ ಬರುವಟ್ಟರಲ್ಲಿ ರೈಲು ಚಲಿಸಲಾರಂಭಿಸಿದೆ. ಇದರಿಂದ ಎಚ್ಚೆತ್ತ ಮಹಿಳೆ ರೈಲು ಹಳಿಯ ಮಧ್ಯೆ ಉದ್ದವಾಗಿ ಸುಮಾರು ಒಂದು ನಿಮಿಷ ಮಲಗಿದ್ದಾರೆ. ಬೋಗಿಗಳು ಹೊದನಂತರ ಎದ್ದು ಬಂದು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.
ಈ ಕುರಿತ ವಿಡಿಯೋ ಸೇರೆ ಮಾಡಿದವರು ಜಾಲತಾಣದಲ್ಲಿ ಹರಿಬಿಟ್ಟಿದ್ದಾರೆ ಈ ವಿಡಿಯೋ ವೈರಲ್‌ ಆಗಿದೆ.
