ಬೆಂಗಳೂರು: ಉಗ್ರ, ಜೈಲು ಅಧಿಕಾರಗಳ ನಡುವೆ ಕೊಂಡಿಯಾಗಿದ್ದ ಅಂಗಡಿ ಮಾಲೀಕ

ಬೆಂಗಳೂರು: ಉಗ್ರ ಟಿ ನಜೀರ್ ಜೈಲಿನಲ್ಲಿ ವಿಲಾಸಿ ಜೀವನ ನಡೆಸಲು ಕೊಂಡಿಯಾಗಿದ್ದವನು ಜೈಲಿನ ಬಳಿ ಇದ್ದ ಜನರಲ್ ಸ್ಟೋರ್ ಮಾಲೀಕ ಎನ್ನುವುದು ತನಿಖೆ ವೇಳೆ ಪತ್ತೆಯಾಗಿದೆ. ನಾಜಿರ್ ಜೈಲಿನಲ್ಲಿ ಕುಳಿತು ಮೊಬೈಲ್ ಬಳಕೆ ಮಾಡಿರೋದು, ತನಗಿಷ್ಟ ಬಂದವರನ್ನ ತನ್ನ ರೂಮಿಗೆ ಹಾಕಿಸಿಕೊಳ್ಳೊಕೆ ಜೈಲು ಅಧಿಕಾರಿ ಮತ್ತು ಸಿಬ್ಬಂದಿಗೆ ಲಕ್ಷ ಲಕ್ಷ ಹಣ ಖರ್ಚು ಮಾಡಿದ್ದಾನೆ. ಉಗ್ರ ಸಂಘಟನೆಯಿಂದ ಬರುತ್ತಿದ್ದ ಹಣವನ್ನ ಜೈಲಿನ ಬಳಿಯಿದ್ದ ಜನಲರ್ ಸ್ಟೋರ್ ಮಾಲೀಕನ ಮೂಲಕ ಜೈಲು ಅಧಿಕಾರಿ ಸಿಬ್ಬಂದಿಗೆ ಸಪ್ಲೈ ಆಗ್ತಿದೆ ಅನ್ನೋದನ್ನ ಸಿಸಿಬಿ ಪತ್ತೆ ಮಾಡಿದೆ. ಇನ್ನು ಶೀಘ್ರದಲ್ಲೇ ಆ ಜನರಲ್ ಸ್ಟೋರ್ ಮಾಲೀಕ ಕಮಿಷನ್ ಪಡೆದು ಹಣದ ವ್ಯವಹಾರ ನಡೆಸಿರುವ ಹಿನ್ನೆಲೆ ಆತನನ್ನು ಸಿಸಿಬಿ ವಶಕ್ಕೆ ಪಡೆಯೋ ಸಾಧ್ಯತೆಯಿದೆ. ಇತ್ತ ಸ್ಫೋಟಕಕ್ಕೆ ಸಂಚು ರೂಪಿಸಿದ್ದ ಐವರು ಶಂಕಿತ ಉಗ್ರರ ಪ್ರಕರಣ ಎನ್‌ಐಗೆ ವರ್ಗಾವಣೆಯಾಗೋ ಸಾಧ್ಯತೆಯಿದೆ. ಸಿಸಿಬಿ ವಿಚಾರಣೆ ಮುಗಿದಿದ್ದು ಆರೋಪಿಗಳನ್ನು ಈಗಾಗಲೇ ನ್ಯಾಯಾಂಗ ಬಂಧನಕ್ಕೆ ವಹಿಸಲಾಗಿದೆ. ಈ ಹಿನ್ನೆಲೆಯಲ್ಲಿ ಎನ್‌ಐಎ ಅಧಿಕಾರಿಗಳು ಶಂಕಿತರನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಲಿದ್ದಾರೆ. ರಾಷ್ಟ್ರೀಯ ತನಿಖಾ ದಳ ಈಗಾಗಲೇ ಪ್ರಕರಣದ ಬಗ್ಗೆ ಸಿಸಿಬಿಯಿಂದ ಪ್ರಾಥಮಿಕ ಮಾಹಿತಿ ಪಡೆದಿದೆ. ಶಂಕಿತರ ಬಳಿ ಪತ್ತೆಯಾದ ಗ್ರೆನೇಡ್, ನಾಡ ಪಿಸ್ತೂಲ್ಗಳ ಬಗ್ಗೆ ಎನ್‌ಐಎ ನಿಗಾ ಇಟ್ಟಿದೆ. ಈ ಹಿನ್ನೆಲೆಯಲ್ಲಿ ಶಂಕಿತ ಉಗ್ರರ ಒಳಸಂಚು ಮತ್ತು ಷಡ್ಯಂತ್ರ ಬಗ್ಗೆ ವಿಚಾರಣೆ ನಡೆಸಲಿದೆ.