ಬೆಂಗಳೂರು: ವಿದ್ವಂಸಕ ಕೃತ್ಯಕ್ಕೆ ಸಜ್ಜಾಗಿದ್ದ ಐವರು ಶಂಕಿತ ಉಗ್ರರ ವಿಚಾರಣೆಯಿಂದಾಗಿ ಒಂದೊಂದೇ ಸ್ಫೋಟಕ ಸಂಗತಿಗಳು ಹೊರ ಬೀಳುತ್ತಿವೆ. ಇದೀಗ ಪ್ರಕರಣದಲ್ಲಿ ಶಂಕಿತರು ಅಕ್ರಮವಾಗಿ ಸಂಗ್ರಹಿಸಿಟ್ಟಿದ್ದ ಸ್ಫೋಟಕ ಪತ್ತೆಯಾಗಿದೆ.
ಸಿಸಿಬಿ ಕಾರ್ಯಾಚರಣೆಯಲ್ಲಿ ಶಂಕಿತರು ಅಡಗಿಸಿದ್ದ ಗ್ರೆನೇಡ್ ಮಾದರಿ ಸ್ಫೋಟಕ ಪತ್ತೆಯಾಗಿದೆ. ಬೆಂಗಳೂರಿನಲ್ಲೇ ಈ ಸ್ಫೋಟಕವನ್ನು ಅಡಗಿಸಿದ್ದ ಶಂಕಿತರು ನಾಲ್ಕೈದು ಗ್ರೆನೇಡ್ ಶೇಖರಣೆ ಮಾಡಿದ್ದರು. ಪೆಟ್ಟಿಗೆಯಲ್ಲಿ ಗ್ರೆನೇಡ್ ಇಟ್ಟು ಅದು ಸ್ಫೋಟಿಸದಂತೆ ಪೌಡರ್ ರೂಪದ ವಸ್ತುನಿಂದ ಜೋಪಾನ ಮಾಡಿದ್ದರು. ಸದ್ಯ ಈ ಗ್ರೆನೇಡ್ ಬಾಕ್ಸ್ ಸಿಸಿಬಿ ಕೈಸೇರಿದ್ದು ಇದನ್ನ ಬಾಂಬ್ ನಿಷ್ಕ್ರಿಯ ದಳ ಅಧಿಕಾರಿಗಳಿಗೆ ಒಪ್ಪಿಸಿ ನಿಷ್ಕ್ರಿಯಗೊಳಿಸಿದ್ದಾರೆ.
