ಬ್ಯಾಂಕಾಕ್ ನಿಂದ ಅಕ್ರಮವಾಗಿ ಸಾಗಾಟವಾಗುತ್ತಿದ್ದ ಸಿಗರೇಟ್ ಸೀಜ್..!

ಬೆಂಗಳೂರು: ಬ್ಯಾಂಕಾಕ್ ನಿಂದ ಸಿಲಿಕಾನ್ ಸಿಟಿಗೆ ಅಕ್ರಮವಾಗಿ ಸಾಗಾಟವಾಗ್ತಿದ್ದ ಸಿಗರೇಟ್ ನ್ನು ಕಸ್ಟಮ್ಸ್ ಅಧಿಕಾರಿಗಳು ಪತ್ತೆ ಹಚ್ಚಿ ಕೇಸ್ ದಾಖಲಿಸಿದ್ದಾರೆ. ನಿನ್ನೆ (ಸೋಮವಾರ) ರಾತ್ರಿ 10.30 ಕ್ಕೆ ಬಂದ ವಿಮಾನದಲ್ಲಿ ಸುಮಾರು 48,000 ಸಿಗರೇಟ್ ಪ್ಯಾಕ್ ಗಳನ್ನ ಅಕ್ರಮವಾಗಿ ಗ್ರೀನ್ ಚಾನೆಲ್ ಬಳಸಿ ಹೊರ ಹೋಗಲು ಯತ್ನಿಸಲಾಗ್ತಿತ್ತು. ಈ ವೇಳೆ ಅನುಮಾನಗೊಂಡ ಕಸ್ಟಮ್ಸ್ ಅಧಿಕಾರಿಗಳು ತಡೆದು ತಪಾಸಣೆ ನಡೆಸಿದಾಗ ಸಿಗರೇಟ್ ಸಾಗಿಸ್ತಿರೋದು ಗೊತ್ತಾಗಿದೆ. ಈ ಬಗ್ಗೆ ಪ್ರಕರಣ ದಾಖಲಿಸಿಕೊಂಡಿರೊ ಕಸ್ಟಮ್ಸ್ ಅಧಿಕಾರಿಗಳು 8.16 ಲಕ್ಷ ಮೌಲ್ಯದ ಸಿಗರೇಟ್ ವಶ ಪಡಿಸಿಕೊಂಡು ತನಿಖೆ ನಡೆಸ್ತಿದ್ದಾರೆ.