ದೆಹಲಿ: ಮುಂದಿನ ತಿಂಗಳಿಗೂ ಸೇರಿ, GST ಪಾಲನ್ನು ಕೇಂದ್ರ ಸರ್ಕಾರ ಬಿಡುಗಡೆ ಮಾಡಿದೆ. ತಿಂಗಳಿಗೆ 59,140 ಕೋಟಿ ರೂ ನೀಡಬೇಕಿದ್ದ ಕೇಂದ್ರ, ಈ ಬಾರಿ 1,18,280 ಕೋಟಿ ರೂ ಹಣವನ್ನು ರಾಜ್ಯ ಹಾಗೂ ಕೇಂದ್ರಾಡಳಿತ ಪ್ರದೇಶಗಳಿಗೆ ವರ್ಗಾಯಿಸಿದೆ.
ವಿವಿಧ ರಾಜ್ಯಗಳಿಗೆ ನೀಡಲಾಗಿರುವ 1,18,280 ಕೋಟಿ ರೂ ಪೈಕಿ ಕರ್ನಾಟಕಕ್ಕೆ 4,314 ಕೋಟಿ ರೂ ಬಿಡುಗಡೆ ಮಾಡಿದೆ. ಮಹಾರಾಷ್ಟ್ರಕ್ಕೆ 7,472 ಕೋಟಿ ರೂ ಬಿಡುಗಡೆಯಾಗಿದೆ. ಮಹಾರಾಷ್ಟ್ರ ಹಾಗೂ ಕರ್ನಾಟಕ ಅತಿ ಹೆಚ್ಚು GST ಸಂಗ್ರಹಿಸಿ ಕೇಂದ್ರಕ್ಕೆ ತಲುಪಿಸುತ್ತವೆ.
ಉತ್ತರ ಪ್ರದೇಶಕ್ಕೆ 21,218 ಕೋಟಿ, ಬಿಹಾರ, ಮಧ್ಯಪ್ರದೇಶ, ಪಶ್ಚಿಮ ಬಂಗಾಳಕ್ಕೆ 8 ಸಾವಿರ ಕೋಟಿ ರೂ.ಗಿಂತ ಹೆಚ್ಚು, ಗುಜರಾತ್‍ಗೆ 4,114 ಕೋಟಿ, ಛತ್ತೀಸ್‍ಗಡ 4,030 ಕೋಟಿ, ಜಾರ್ಖಂಡ್‍ಗೆ 3,912 ಕೋಟಿ, ಅಸ್ಸಾಂ 3,700 ಕೋಟಿ, ತೆಲಂಗಾಣ 2,486 ಕೋಟಿ, ಕೇರಳ 2,277 ಕೋಟಿ, ಪಂಜಾಬ್‍ 2,137 ಕೋಟಿ, ಅರುಣಾಚಲಪ್ರದೇಶಕ್ಕೆ 2,078 ಕೋಟಿ, ಉತ್ತರಾಖಂಡ್‍ 1,322 ಕೋಟಿ, ಹರಿಯಾಣಕ್ಕೆ 1,293 ಕೋಟಿ, ಹಿಮಾಚಲಪ್ರದೇಶ, ಮೇಘಾಲಯ, ಮಣಿಪುರ, ತ್ರಿಪುರಾ, ಗೋವಾ, ನಾಗಾಲ್ಯಾಂಡ್, ಸಿಕ್ಕಿಂಗೆ 800-900 ಕೋಟಿ ನೀಡಲಾಗಿದೆಯಂತೆ.!
