ಬೆಂಗಳೂರು: ಕರ್ನಾಟಕದಲ್ಲಿ ಮೇ 10 ರಂದು 224 ವಿಧಾನಸಭಾ ಕ್ಷೇತ್ರಗಳಿಗೆ ಒಂದೇ ಹಂತದಲ್ಲಿ ಮತದಾನ ಪ್ರಕ್ರಿಯೆ ನಡೆಯಲಿರುವ ಹಿನ್ನೆಲೆ ಅಂದು ಎಲ್ಲಾ ಖಾಸಗಿ ಕಚೇರಿಗಳು ಹಾಗೂ ಕಾರ್ಖಾನೆಗಳು ಬಂದ್ ಆಗಲಿವೆ.!
ಆಸ್ಪತ್ರೆ, ಹೋಟೆಲ್ ಸೇರಿದಂತೆ ಅಗತ್ಯ ಸೇವೆಗಳನ್ನು ಹೊರತುಪಡಿಸಿ ಉಳಿದ ಖಾಸಗಿ ಕಚೇರಿ ಹಾಗೂ ಕಾರ್ಖಾನೆಗಳು ಬಂದ್ ಮಾಡಲಾಗುತ್ತದೆ. ಅದಾಗ್ಯೂ, ಭಾರೀ ನಷ್ಟ ಎದುರಿಸಬೇಕಾಗಬಹುದಾದ ಕಂಪನಿಗೆ ವಿನಾಯಿತಿ ನೀಡಲಾಗಿದೆಯಂತೆ.
ಇಂತಹ ಕಂಪನಿಗಳಲ್ಲಿ ಮತದಾರರು ಇದ್ದಲ್ಲಿ, ಅಂತಹವರಿಗೆ ಮತದಾನಕ್ಕೆ ಅವಕಾಶ ಮಾಡಿಕೊಟ್ಟು ಮತದಾರರಲ್ಲದವರನ್ನು ನೇಮಿಸಿಕೊಂಡು ಕಾರ್ಯನಿರ್ವಹಿಸುವ ಅವಕಾಶ ಇರಲಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.
