ನವದೆಹಲಿ: ನವೆಂಬರ್ ತಿಂಗಳಲ್ಲಿ ಸಾಲು ಸಾಲು ಹಬ್ಬಗಳಿವೆ. ಆ ಪ್ರಕಾರ ಈ ತಿಂಗಳಲ್ಲಿ ಸಾಲು ಸಾಲು ಬ್ಯಾಂಕ್ ರಜೆಗಳಿವೆ. ಹೀಗಾಗಿ ನಿಮ್ಮ ಯಾವುದೇ ಬ್ಯಾಂಕ್ ಕೆಲಸ-ಕಾರ್ಯಗಳಿದ್ದಲ್ಲಿ ರಜಾ ದಿನಗಳ ಬಗ್ಗೆ ತಿಳಿದಿರುವುದು ಸೂಕ್ತ. ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾದ (RBI) ರಜಾದಿನಗಳ ಕ್ಯಾಲೆಂಡರ್ ಪ್ರಕಾರ ನವೆಂಬರ್‌ನಲ್ಲಿ 15 ದಿನಗಳವರೆಗೆ ಬ್ಯಾಂಕ್‌ಗಳು ಮುಚ್ಚಲ್ಪಡುತ್ತವೆ. ಈ ರಜಾದಿನಗಳಲ್ಲಿ ಎರಡನೇ ಮತ್ತು ನಾಲ್ಕನೇ ಶನಿವಾರಗಳು ಮತ್ತು ಭಾನುವಾರಗಳಂತಹ ನಿಯಮಿತ ರಜಾದಿನಗಳು ಸೇರಿವೆ. ಭಾರತೀಯ ರಿಸರ್ವ್ ಬ್ಯಾಂಕ್ (RBI) ದೇಶದಲ್ಲಿ ಬ್ಯಾಂಕುಗಳನ್ನು ನಿಯಂತ್ರಿಸುತ್ತದೆ. ಆದ್ದರಿಂದ, ಅವರು ಬ್ಯಾಂಕ್ ರಜಾದಿನಗಳ ಪಟ್ಟಿಯನ್ನು ಸಹ ಸಿದ್ಧಪಡಿಸುತ್ತಾರೆ. ಅದರಂತೆ ನವೆಂಬರ್ ತಿಂಗಳಲ್ಲಿ ಹಬ್ಬ ಹರಿದಿನಗಳಲ್ಲಿ 9 ದಿನಗಳ ಕಾಲ ಬ್ಯಾಂಕ್ ರಜೆ ಇರುತ್ತದೆ. ಜೊತೆಗೆ ಶನಿವಾರ ಮತ್ತು ಭಾನುವಾರ ಈಗಾಗಲೇ ರಜೆ ಇದೆ. ಸಂಪೂರ್ಣ ಪಟ್ಟಿಯನ್ನು ನೋಡಿ… ನವೆಂಬರ್ ತಿಂಗಳಿನಲ್ಲಿ ಬ್ಯಾಂಕ್ ರಜೆ ನವೆಂಬರ್‌ನಲ್ಲಿ ಅರ್ಧ ತಿಂಗಳು ಬ್ಯಾಂಕ್‌ಗಳು ಮುಚ್ಚಿರುತ್ತವೆ. ಇಲ್ಲಿ ನೀವು ರಾಜ್ಯಗಳ ಪ್ರಕಾರ ಸಂಪೂರ್ಣ ಪಟ್ಟಿಯನ್ನು ನೋಡಿ… – 1 ನವೆಂಬರ್: ಈ ದಿನ ಕನ್ನಡ ರಾಜ್ಯೋತ್ಸವ ಮತ್ತು ಕರ್ವಾ ಚೌತ್. ಈ ದಿನ ಕರ್ನಾಟಕ, ಮಣಿಪುರ ಮತ್ತು ಹಿಮಾಚಲ ಪ್ರದೇಶದಲ್ಲಿ ಬ್ಯಾಂಕ್‌ಗಳು ಮುಚ್ಚಿರುತ್ತವೆ. – ನವೆಂಬರ್ 5: ಭಾನುವಾರದ ರಜೆ – 10 ನವೆಂಬರ್: ವಂಗಲಾ ಹಬ್ಬದ ಕಾರಣ ಈ ದಿನ ಮೇಘಾಲಯದಲ್ಲಿ ಬ್ಯಾಂಕುಗಳು ಮುಚ್ಚಲ್ಪಡುತ್ತವೆ. – 11 ನವೆಂಬರ್: ಈ ದಿನ ತಿಂಗಳ ಎರಡನೇ ಶನಿವಾರ. – 12 ನವೆಂಬರ್: ಈ ದಿನ ಭಾನುವಾರ. ದೀಪಾವಳಿ ಕೂಡ ಇದೇ ದಿನ. – 13 ನವೆಂಬರ್: ಈ ದಿನ ದೀಪಾವಳಿ ಮತ್ತು ಗೋವರ್ಧನ ಪೂಜೆಗೆ ರಜೆ ಇರುತ್ತದೆ. ತ್ರಿಪುರಾ, ಉತ್ತರಾಖಂಡ, ಸಿಕ್ಕಿಂ, ಮಣಿಪುರ, ರಾಜಸ್ಥಾನ, ಉತ್ತರ ಪ್ರದೇಶ ಮತ್ತು ಮಹಾರಾಷ್ಟ್ರದಲ್ಲಿ ಬ್ಯಾಂಕ್‌ಗಳು ಮುಚ್ಚಲ್ಪಡುತ್ತವೆ. – 14 ನವೆಂಬರ್: ಈ ದಿನ ಬಲಿ ಪ್ರತಿಪದ. ಈ ದಿನ ಗುಜರಾತ್, ಕರ್ನಾಟಕ, ಸಿಕ್ಕಿಂ ಮತ್ತು ಮಹಾರಾಷ್ಟ್ರದಲ್ಲಿ ಬ್ಯಾಂಕ್ ರಜೆ. – 15 ನವೆಂಬರ್: ಭಾಯಿ ದೂಜ್ ಮತ್ತು ಚಿತ್ರಗುಪ್ತ ಜಯಂತಿಯ ಕಾರಣ, ಸಿಕ್ಕಿಂ, ಮಣಿಪುರ, ಉತ್ತರ ಪ್ರದೇಶ, ಪಶ್ಚಿಮ ಬಂಗಾಳ ಮತ್ತು ಹಿಮಾಚಲ ಪ್ರದೇಶದಲ್ಲಿ ಈ ದಿನ ಬ್ಯಾಂಕ್ ರಜೆ ಇರುತ್ತದೆ. – 19 ನವೆಂಬರ್: ಈ ದಿನ ಭಾನುವಾರ. – ನವೆಂಬರ್ 20: ಛತ್ ಪೂಜೆ. ಬಿಹಾರದ ಜೊತೆಗೆ ರಾಜಸ್ಥಾನದಲ್ಲಿ ರಜೆ ಇರುತ್ತದೆ. – 23 ನವೆಂಬರ್: ಸೆಂಗ್ ಕುಟ್ಸ್ನೆಮ್ ಮತ್ತು ಇಗಾಸ್ ಬಾಗ್ವಾಲ್ ಹಬ್ಬವನ್ನು ಆಚರಿಸಲಾಗುತ್ತದೆ. ಈ ದಿನ ಉತ್ತರಾಖಂಡ ಮತ್ತು ಸಿಕ್ಕಿಂನಲ್ಲಿ ರಜೆ ಇರುತ್ತದೆ. – 25 ನವೆಂಬರ್: ಈ ದಿನ ನಾಲ್ಕನೇ ಶನಿವಾರ. – ನವೆಂಬರ್ 26: ಭಾನುವಾರ ರಜೆ – 27 ನವೆಂಬರ್: ಗುರುನಾನಕ್ ಜಯಂತಿ, ಕಾರ್ತಿಕ ಪೂರ್ಣಿಮೆಯ ಹಬ್ಬವನ್ನು ಆಚರಿಸಲಾಗುತ್ತದೆ. ತ್ರಿಪುರಾ, ಮಿಜೋರಾಂ, ಮಹಾರಾಷ್ಟ್ರ, ಮಧ್ಯಪ್ರದೇಶ, ಒಡಿಶಾ, ಚಂಡೀಗಢ, ಉತ್ತರಾಖಂಡ, ತೆಲಂಗಾಣ, ರಾಜಸ್ಥಾನ, ಜಮ್ಮು ಮತ್ತು ಕಾಶ್ಮೀರ, ಉತ್ತರ ಪ್ರದೇಶ, ಪಶ್ಚಿಮ ಬಂಗಾಳ, ಮಹಾರಾಷ್ಟ್ರ, ನವದೆಹಲಿ, ಬಿಹಾರ, ಜಾರ್ಖಂಡ್ ಮತ್ತು ಹಿಮಾಚಲ ಪ್ರದೇಶದಲ್ಲಿ ಈ ದಿನ ರಜೆ ಇರುತ್ತದೆ. – ನವೆಂಬರ್ 30: ಕನಕದಾಸರ ಜಯಂತಿ. ಈ ದಿನ ಕರ್ನಾಟಕದಲ್ಲಿ ಬ್ಯಾಂಕ್‌ಗಳು ಮುಚ್ಚಿರುತ್ತವೆ.
