ರಾಕಿಂಗ್ ಸ್ಟಾರ್ ಯಶ್ ವಿರುದ್ಧ ಅಭಿಮಾನಿಗಳು ರೊಚ್ಚಿಗೆದ್ದಿದ್ದಾರೆ. ತಮ್ಮ ಬಾಸ್ ಬಾಸ್ ಕಾಣೆಯಾಗಿದ್ದಾರೆ. ಹುಡುಕಿ ಕೊಟ್ಟವರಿಗೆ ಸೂಕ್ತ ಬಹುಮಾನ ನೀಡಲಾಗುವುದು ಎಂದು ಪೋಸ್ಟರ್ ಹರಿಬಿಟ್ಟು ತಮ್ಮ ಆಕ್ರೋಶ ಹೊರಹಾಕಿದ್ದಾರೆ. ಹೌದು, ಇತರ ನಾಯಕ ನಟರು ತಮ್ಮ ತಮ್ಮ ಸಿನಿಮಾಗಳನ್ನ ಅನೌನ್ಸ್ ಮಾಡಿದ್ದಾರೆ. ಅದನ್ನ ಕೇಳಿದ ಅವರ ಅಭಿಮಾನಿಗಳು ಬೇಜಾನ್ ಎಂಜಾಯ್ ಮಾಡ್ತಿದ್ದಾರೆ. ಆದರೆ “ನಮ್ಮ ಯಶ್ ಬಾಸ್” ಇನ್ನೂ ಅನೌನ್ಸ್‌ಮೆಂಟ್‌ನಲ್ಲಿಯೇ ಇದ್ದಾರೆ. ಇದು ತುಂಬಾ ಬೇಸರ ತಂದಿದೆ. ಹೀಗೆ ತಮ್ಮ ಬೇಸರವನ್ನ ಯಶ್ ಫ್ಯಾನ್ಸ್ ವಿಭಿನ್ನವಾಗಿಯೇ ಹೊರ ಹಾಕಿದ್ದಾರೆ. ನಮ್ಮ ಬಾಸ್ ನಮ್ಮ ಹೆಮ್ಮೆನೇ ಆಗಿದ್ದಾರೆ. ಆದರೆ ಅವರು ಕೆಜಿಎಫ್ ಸಿನಿಮಾ ಆದ್ಮೇಲೆ ಹೊಸ ಸಿನಿಮಾ ಅನೌನ್ಸ್ ಮಾಡ್ತೀನಿ ಅಂತಲೇ ಹೇಳಿದ್ದರು. ಆದರೆ ಕೇವಲ ಹೇಳೋದೇ ಆಯಿತು. ಸಿನಿಮಾ ಇನ್ನೂ ಅನೌನ್ಸ್ ಮಾಡಿಯೇ ಇಲ್ಲ. ಎಲ್ಲಿ ಕಾಣೆಯಾಗಿದ್ದಾರೋ ಗೊತ್ತಿಲ್ಲ. ಹುಡುಕಿಕೊಟ್ಟವರಿಗೆ ಸೂಕ್ತ ಬಹುಮಾನ ಕೊಡಲಾಗುವುದು ಅಂತಲೇ ಹೇಳಿಕೊಂಡಿದ್ದಾರೆ. ಅಭಿಮಾನಿಗಳು ತಮ್ಮ ಈ ಒಂದು ಬೇಸರವನ್ನ ಸೋಷಿಯಲ್ ಮೀಡಿಯಾದಲ್ಲೂ ಶೇರ್ ಮಾಡಿಕೊಂಡಿದ್ದಾರೆ. ತಮ್ಮದೇ ಒಂದು ಪೇಜ್‌ನಲ್ಲಿಯೇ ಈ ಜಾಹೀರಾತು ರೂಪದ ಪೋಸ್ಟ್‌ ಅನ್ನ ಹಂಚಿಕೊಂಡಿದ್ದಾರೆ.
