ನವದೆಹಲಿ: ಇತ್ತೀಚೆಗೆ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಜೈಪುರದ ಮಹಾರಾಣಿ ಕಾಲೇಜಿಗೆ ಭೇಟಿ ಸಂವಾದ ನೀಡಿದ್ದರು. ಈ ವೇಳೆ ರಾಹುಲ್ ವಿದ್ಯಾರ್ಥಿನಿಯ ಸ್ಕೂಟಿ ಏರಿ ಸಹ ಸವಾರನಾಗಿ ಪ್ರಯಾಣಿಸಿದ್ದು ಸುದ್ದಿಯಾಗಿತ್ತು.
ಮಹಾರಾಣಿ ಕಾಲೇಜಿನಲ್ಲಿ ವಿದ್ಯಾರ್ಥಿನಿಯರೊಂದಿಗೆ ಕೆಲಕಾಲ ಸಂವಾದ ನಡೆಸಿದ್ದ ತುಣುಕುಗಳನ್ನು ಇದೀಗ ರಾಹುಲ್ ಗಾಂಧಿ ತಮ್ಮ ಯೂಟ್ಯೂಬ್ ಚಾನೆಲ್ ನಲ್ಲಿ ಹಂಚಿಕೊಂಡಿದ್ದಾರೆ.
ಈ ವೇಳೆ ವಿದ್ಯಾರ್ಥಿನಿಯೊಬ್ಬರು “ನಿಮ್ಮ ಫೇಮಸ್ ಮೀಮ್ಸ್ ಖತಮ್-ಟಾಟಾ, ಬೈ-ಬೈ ಬಗ್ಗೆ ಏನು ಹೇಳ್ತೀರಾ?” ಎಂದು ಪ್ರಶ್ನಿಸಿದ್ದು, ಇದಕ್ಕೆ ನಗು ನಗುತ್ತಾ ಉತ್ತರಿಸಿದ ರಾಹುಲ್ “ಕೆಲವೊಮ್ಮ ಹೇಳಬೇಕಾಗುತ್ತದೆ” ( ಕಭಿ ಕಭಿ ಕೆಹೆನಾ ಪಡ್ತಾಹೇ) ಎಂದು ಹೇಳಿದ್ದಾರೆ.
ಮತ್ತೋರ್ವ ವಿದ್ಯಾರ್ಥಿನಿ ರಾಹುಲ್ ಅವರ ಸ್ಕೀನ್ ಕೇರ್ ಹೇಗಿರುತ್ತೆ ಎಂದು ಪ್ರಶ್ನಿಸಿದ್ದು, ಈ ವೇಳೆ ರಾಹುಲ್ ತಾನು ಯಾವುದೇ ಸಾಬೂನು, ಕ್ರೀಮ್ ಮುಖಕ್ಕೆ ಬಳಸುವುದಿಲ್ಲ, ಕೇವಲ ನೀರಿನ ಮುಖ ತೊಳೆಯುತ್ತೇನೆ ಎಂದು ಹೇಳಿದ್ದಾರೆ. ತಮ್ಮ ನೆಚ್ಚಿನ ಆಹಾರ , ಇಷ್ಟದ ಪ್ರವಾಸಿ ತಾಣ , ಮದುವೆ, ಕಾಲೇಜು ಕ್ರಶ್ ಇತ್ಯಾದಿ ವಿಷಯಗಳ ಬಗ್ಗೆಯೂ ವಿದ್ಯಾರ್ಥಿನಿಯರ ಪ್ರಶ್ನೆಗೆ ಉತ್ತರಿಸಿದ್ದಾರೆ.
