ಬೇಕಾಗುವ ಪದಾರ್ಥಗಳು…
- ತೊಗರಿಬೇಳೆ- ಅರ್ಧ ಬಟ್ಟಲು
- ಅರಿಶಿಣದ ಪುಡಿ- ಸ್ವಲ್ಪ
- ಎಣ್ಣೆ- ಸ್ವಲ್ಪ
- ಸಾಸಿವೆ- ಸ್ವಲ್ಪ
- ಇಂಗು- ಚಿಟಿಕೆಯಷ್ಟು
- ಬೆಳ್ಳುಳ್ಳು- ಸ್ವಲ್ಪ
- ಈರುಳ್ಳಿ- ಸಣ್ಣಗೆ ಹೆಚ್ಚಿದ್ದು 1
- ಕರಿಬೇವು- ಸ್ವಲ್ಪ
- ಹಸಿ ಮೆಣಸಿನ ಕಾಯಿ- 5-6
- ಟೊಮೆಟೋ- ಸಣ್ಣಗೆ ಹೆಚ್ಚಿದ್ದು 2-3
- ಉಪ್ಪು- ರುಚಿಗೆ ತಕ್ಕಷ್ಟು
- ಹುಣಸೆ ರಸ- ಸ್ವಲ್ಪ
- ಜೀರಿಗೆ ಪುಡಿ- 1 ಚಮಚ
- ಕೊತ್ತಂಬರಿ ಸೊಪ್ಪು- ಸ್ವಲ್ಪ
ಮಾಡುವ ವಿಧಾನ…
- ಮೊದಲಿಗೆ ಕುಕ್ಕರ್’ಗೆ ಚೆನ್ನಾಗಿ ತೊಳೆದ ತೊಗರಿಬೇಳೆ, ಅರಿಶಿಣದ ಪುಡಿ ಹಾಗೂ 1 ಚಮಚ ಎಣ್ಣೆ ಹಾಗೂ ನೀರು ಹಾಕಿ ಮುಚ್ಚಳ ಮುಚ್ಚಿ 3-4 ಕೂಗು ಕೂಗಿಸಿಕೊಳ್ಳಿ.
- ನಂತರ ಬೆಂದ ಬೇಳೆಯಿಂದ ನೀರು ಬಸಿದು ಬೇಳೆಯನ್ನು ನುಣ್ಣಗೆ ಮಾಡಿಕೊಳ್ಳಿ. ನಂತರ ಬಸಿದ ನೀರನ್ನು ಇದಕ್ಕೆ ಹಾಕಿಟ್ಟುಕೊಳ್ಳಿ.
- ಮತ್ತೊಂದೆಡೆ ಒಲೆಯ ಮೇಲೆ ಬಾಣಲೆ ಇಟ್ಟು ಅದಕ್ಕೆ ಎಣ್ಣೆ ಹಾಕಿ. ಕಾದ ನಂತರ ಸಾಸಿವೆ, ಇಂಗು, ಜಜ್ಜಿಗೊಂಡ ಬೆಳ್ಳುಳ್ಳು, ಸ್ವಲ್ಪ ಈರುಳ್ಳಿ, ಕರಿಬೇವು ಹಾಕಿ ಕೆಂಪಗೆ ಹುರಿದುಕೊಳ್ಳಿ.
- ನಂತರ ಹಸಿ ಮೆಣಸಿನ ಕಾಯಿ, ಟೊಮೆಟೋ, ಉಪ್ಪು ಹಾಕಿ ಚೆನ್ನಾಗಿ ಬೇಸಿಯಿಕೊಳ್ಳಿ. ಬಳಿಕ ಹುಣಸೆ ರಸ, ಜೀರಿಗೆ ಪುಡಿ ಹಾಕಿ 2 ನಿಮಿಷ ಬಿಡಿ, ಈಗಾಗಲೇ ಸ್ಮ್ಯಾಷ್ ಮಾಡಿಟ್ಟುಕೊಂಡ ಬೇಳೆ ಹಾಗೂ ರಸವನ್ನು ಇದಕ್ಕೆ ಹಾಕಿ ಮಿಶ್ರಣ ಮಾಡಿ, ಅಗತ್ಯವಿದ್ದಷ್ಟು ನೀರು ಹಾಕಿ 8-10 ನಿಮಿಷ ಕುದಿಯಲು ಬಿಡಿ. ಇದೀಗ ಕೊತ್ತಂಬರಿ ಸೊಪ್ಪಿನೊಂದಿಗೆ ಅಲಂಕರಿಸಿದರೆ ರುಚಿಕರವಾದ ತಿಳಿಸಾರು ಸವಿಯಲು ಸಿದ್ಧ.
