ರುಚಿಕರವಾದ ಮಾವಿನ ಹಣ್ಣಿನ ಜೆಲ್ಲಿ ಮಾಡುವ ವಿಧಾನ

ಬೇಕಾಗುವ ಪದಾರ್ಥಗಳು…

• ಮಾವಿನಹಣ್ಣಿನ ತಿಳಿ ರಸ- ಅರ್ಧ ಬಟ್ಟಲು
• ಸಕ್ಕರೆ – ಒಂದು ಬಟ್ಟಲು
• ಕಾರ್ನ್ ಫ್ಲೋರ್- 1 ಚಮಚ
• ತುಪ್ಪ- ಒಂದು ಚಮಚ

ಮಾಡುವ ವಿಧಾನ…

• ಅರ್ಧ ಕಪ್ ನೀರಿನಲ್ಲಿ ಕಾರ್ನ್ ಫ್ಲೋರ್ ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿಕೊಳ್ಳಿ. ಈ ಮಿಶ್ರಣವನ್ನು ಮಾವಿನ ಹಣ್ಣಿನ ರಸಕ್ಕೆ ಬೆರೆಸಿಕೊಳ್ಳಿ.
• ಬಾಣಲೆಯಲ್ಲಿ ಸಕ್ಕರೆಗೆ ಒಂದು ಕಪ್ ನೀರು ಸೇರಿಸಿ ಸಣ್ಣ ಉರಿಯಲ್ಲಿಡಿ. ಸಕ್ಕರೆ ಸಂಪೂರ್ಣ ಕರಗಿ ನೊರೆಯಾಡುವಾಗ ಮಾವಿನರಸದ ಮಿಶ್ರಣ, ತುಪ್ಪ ಸೇರಿಸಿ ಕೈಯಾಡಿಸುತ್ತಿರಿ.
• ಮಿಶ್ರಣ ತಳ ಬಿಡುವಾಗ ತುಪ್ಪ ಸವರಿದ ತಟ್ಟೆಯಲ್ಲಿ ಸುರಿಯಿರಿ. ತಣ್ಣಗಾದ ಬಳಿಕ ಬೇಕಾದ ಆಕಾರಕ್ಕೆ ಕತ್ತರಿಸಿದರೆ ರುಚಿಕರವಾದ ಮ್ಯಾಂಗೊ ಜೆಲ್ಲಿ ಸವಿಯಲು ಸಿದ್ದ.