ಶಿವಮೊಗ್ಗ: ಶಿವಮೊಗ್ಗದ ರಾಗಿಗುಡ್ಡ ಈಗ ನಿಧಾನಗತಿಯಲ್ಲಿ ಸಹಜ ಸ್ಥಿತಿಯತ್ತ ಮರಳುತ್ತಿದೆ. ಶಾಂತಿನಗರ ಶಾಂತಿಯಾಗುತ್ತಿದೆ. ಸೆಕ್ಷನ್ 144 ನಿಷೇಧಾಜ್ಞೆ ಕೊಂಚ ಸಡಿಲಿಸಿರುವ ಪೊಲೀಸರು, ಅಗತ್ಯ ವಸ್ತುಗಳ ಖರೀದಿಗೆ ಅವಕಾಶ ನೀಡಿದ್ದಾರೆ. ಈ ನಡುವೆ ಮನೆಯಿಂದ ಹೊರಬಾರದಂತೆ ನಿಷೇಧ ಹೇರಿರುವ ಪೊಲೀಸರು, ಮುಂಜಾನೆ ಕೊಂಚ ರಿಲ್ಯಾಕ್ಸ್ ನೀಡಿದ್ದಾರೆ. ಶಾಲಾ-ಕಾಲೇಜಿಗೆ ತೆರಳಲು ಬಸ್ ಹಾಗೂ ವಿದ್ಯಾರ್ಥಿಗಳಿಗೆ ಅವಕಾಶ ನೀಡಿದ್ದು, ಕೆಲಸಕ್ಕೆಂದು ಹೊರಗೆ ತೆರಳುವವರಿಗೂ ಕಲ್ಪಿಸಲಾಗಿದೆ. ಆದರೆ ರಾಗಿಗುಡ್ಡ ಬಡಾವಣೆಯಲ್ಲಿ ಸುಖಾಸುಮ್ಮನೆ ಸಂಚರಿಸುವವರಿಗೆ ಬ್ರೇಕ್ ಹಾಕಲಾಗಿದೆ. ಯಾರನ್ನೂ ಕೂಡ ಸುಮ್ಮನೆ ಸಂಚರಿಸಲು ಬಿಡುತ್ತಿಲ್ಲ. ಇನ್ನು ನಿಷೇಧಾಜ್ಞೆ ಒಂದೆರೆಡು ದಿನ ವಿಸ್ತರಣೆಯಾಗುವ ನಿರೀಕ್ಷೆ ಇದ್ದು, ರಾಗಿಗುಡ್ಡ ಮುಖ್ಯರಸ್ತೆಯಲ್ಲೇ ನಾಲ್ಕು ಮೂರು ಕಡೆ ನಾಕಬಂಧಿ ಹಾಕಲಾಗಿದೆ. ಪೊಲೀಸರು ಪ್ರತಿಯೊಬ್ಬರನ್ನು ವಿಚಾರಿಸಿ ಬಿಡುತ್ತಿದ್ದಾರೆ.
