ಬೆಂಗಳೂರು: ಯಾವುದೇ ಸಸ್ಯ ಅಥವಾ ಮರಗಳಿಗೆ ಹುಳುಬಾಧೆ ಕಂಡು ಬಂದಲ್ಲಿ ಅದು ನಿಷ್ಪ್ರಯೋಜಕವಾಗುತ್ತದೆ. ವಿವಿಧ ರಾಸಾಯನಿಕಗಳನ್ನು ಸಿಂಪಡಿಸಿ ಅವುಗಳನ್ನು ಸಂರಕ್ಷಿಸುತ್ತೇವೆ. ಆದರೆ, ಇದೊಂದು ಮರಕ್ಕೆ ಫಂಗಸ್ ಕೊಟ್ಟಲ್ಲಿ ಮಾತ್ರ ಸದೃಢವಾಗಿ ಬೆಳೆಯುತ್ತದೆ. ಹಾಗಾದರೆ ಆ ಮರ ಯಾವುದು? ಶಿಲೀಂಧ್ರ ಎಂದರೇನು ಎಂಬುದರ ಬಗ್ಗೆ ಒಂದೊಂದಾಗಿಯೇ ತಿಳಿಯುತ್ತಾ ಹೋಗೋಣ.
ಅಗರ್ವುಡ್ ಪರಿಮಳಯುಕ್ತ ಮರದಿಂದ ಎಣ್ಣೆ ಮತ್ತಿತರ ಉತ್ಪನ್ನಗಳನ್ನು ತಯಾರಿಸಲಾಗುತ್ತದೆ. ಹೀಗಾಗಿ ಇದು ರೈತರಿಗೆ ಲಾಭದಾಯಕ ಮರವಾಗಿದೆ. ಈ ಮರಗಳಿಗೆ ವಿದೇಶಗಳಲ್ಲಿ ಹೆಚ್ಚಿನ ಬೇಡಿಕೆಯಿದೆ. ಈ ಮರಗಳನ್ನು ನಮ್ಮ ದೇಶದಲ್ಲೂ ಅದರಲ್ಲೂ ಈ ಭಾಗದಲ್ಲೂ ಬೆಳೆಯಬಹುದಾಗಿದೆ. ಚಿನ್ನದಂತಹ ಒಂದು ಮರ ಬೆಳೆದರೆ, ಅದು ಹಣದ ಸುರಿಮಳೆಯನ್ನೇ ಹರಿಸುತ್ತದೆ.
ಪರಿಮಳಯುಕ್ತ ಅಗರ್ ಬತ್ತಿಗಳು ಮತ್ತು ಅತ್ತರ್, ಈ ಅಗರ್ವುಡ್ ಮರದಿಂದ ತಯಾರಿಸಲಾಗುತ್ತದೆ. ಇದನ್ನು ಸಿಂಗಾಪುರ, ಲಾವೋಸ್, ತೈವಾನ್, ಇಂಡೋನೇಷ್ಯಾ, ಮಲೇಷ್ಯಾ ಮತ್ತು ಥಾಯ್ಲೆಂಡ್ನಲ್ಲಿ ಹೆಚ್ಚಾಗಿ ಬೆಳೆಯಲಾಗುತ್ತದೆ. ಅರಬ್ ದೇಶಗಳಲ್ಲಿ ಮರ ಮತ್ತು ಸಂಬಂಧಿತ ಉತ್ಪನ್ನಗಳನ್ನು ಹೆಚ್ಚು ಬಳಕೆ ಮಾಡಲಾಗುತ್ತದೆ. ದೇಶದ ಅಸ್ಸಾಂ, ಮಿಜೋರಾಂ, ತ್ರಿಪುರಾ ರಾಜ್ಯಗಳಲ್ಲಿ ಈಗ ಹೆಚ್ಚಾಗಿ ಕಂಡುಬರುತ್ತಿದೆ. ಈ ಅಗರ್ ವುಡ್ ಇತ್ತೀಚೆಗೆ ದಕ್ಷಿಣ ಭಾರತದ ರಾಜ್ಯಗಳಿಗೂ ತಲುಪಿದೆ. ಅಗರ್ವುಡ್ ಶ್ರೀಗಂಧಂ ಮತ್ತು ಕೆಂಪು ಚಂದನದಂತಹ ಪರಿಮಳಯುಕ್ತ ಮರಗಳಿಗೆ ಹೋಲಿಕೆ ಮಾಡಲಾಗುತ್ತಿದೆ.
ಶ್ರೀಗಂಧ ಮತ್ತು ಕೆಂಪು ಚಂದನದ ಮರಗಳು ಬಹುಬೇಗನೇ ಆದಾಯ ತಂದು ಕೊಡುವುದಿಲ್ಲ. ಚಂದನ ಹಾಗೂ ಕೆಂಪು ಚಂದನದ ಮರಗಳಿಂದ ಆದಾಯ ಬರಬೇಕು ಎಂದರೆ ಸುಮಾರು ಮೂವತ್ತು ವರ್ಷಗಳಷ್ಟು ಕಾಯಬೇಕು. ಅದೇ ಅಗರ್ ವುಡ್ ಮರಗಳನ್ನು ಬೆಳೆಸಿದರೆ ನಾಲ್ಕು ವರ್ಷದಲ್ಲೇ ಆದಾಯ ಸಿಗುತ್ತದೆ. ಒಮ್ಮೆ ಮರಗಳನ್ನು ಬೆಳೆಸಿದರೆ, ಈ ಅಗರ್ವುಡ್ ಮರವು ನಲವತ್ತು ವರ್ಷಗಳವರೆಗೆ ಅನೇಕ ರೀತಿಯಲ್ಲಿ ಪ್ರಯೋಜನಗಳನ್ನು ನೀಡುತ್ತದೆ. ಈ ಮರಗಳು ಬಹಳ ಬೇಗನೇ ಬೆಳೆಯುತ್ತವೆ. ನಾಟಿ ಮಾಡಿದ ನಾಲ್ಕು ವರ್ಷಗಳ ನಂತರ, ಮರವು ದಪ್ಪವಾದಾಗ, ಕಾಂಡದಲ್ಲಿ ರಂಧ್ರಗಳನ್ನು ಮಾಡಿ ಶಿಲೀಂಧ್ರವನ್ನು ಹೊರ ತರಲಾಗುತ್ತದೆ.
ಏನಿದು ಶೀಲಿಂದ್ರ?: ಮರದ ಮೇಲೆ ಶಿಲೀಂಧ್ರವು ಬೆಳೆದಂತೆ, ಕಾಂಡದೊಳಗೆ ರಾಳದಂತಹ ವಸ್ತುವನ್ನು ಬಿಡುಗಡೆ ಮಾಡುತ್ತದೆ. ಇದು ಕಾಂಡದೊಂದಿಗೆ ಬೆಸೆದು ಕೆಲವು ರಾಸಾಯನಿಕಗಳನ್ನು ಬಿಡುಗಡೆ ಮಾಡುವುದರಿಂದ, ಅಗರ್ವುಡ್ ಮರವು ಪರಿಮಳಯುಕ್ತವಾಗುತ್ತದೆ. ಕಾಂಡದ ಒಳಗೆ ಸುಗಂಧ ದ್ರವ್ಯದ ಮರದ ಪದರವು ಕಪ್ಪು ಮತ್ತು ಗಾಢ ಕೆಂಪು ಬಣ್ಣವನ್ನು ಹೊಂದಿರುತ್ತದೆ. ಕಟುವಾದ ವಾಸನೆಯ ಭಾಗವು ರೈತರಿಗೆ ದೊಡ್ಡ ಲಾಭವನ್ನು ತಂದು ಕೊಡುತ್ತದೆ.
ಅಗರ್ ಮರದ ಒಂದು ಕೆ ಜಿ ತುಂಡಿಗೆ ಬೆಲೆ ಎಷ್ಟು?: ಅಗರ್ವುಡ್ಗೆ ಶಿಲೀಂಧ್ರವನ್ನು ಸೇರಿಸಿದ ನಂತರ, ತೊಗಟೆಯನ್ನು ತೆಗೆದು ರಾಳದಂತೆ ರೂಪುಗೊಳ್ಳುವ ಮರವನ್ನು ಸಂಗ್ರಹಿಸಲಾಗುತ್ತದೆ. ಹೀಗೆ ಸಂಗ್ರಹಿಸಿದ ಅಗರ್ ಮರದ ತುಂಡುಗಳನ್ನು ಕೆಜಿ ದರದಲ್ಲಿ ಮಾರಾಟ ಮಾಡಲಾಗುತ್ತದೆ. ಒಂದು ಮರವು ಆರು ತಿಂಗಳಲ್ಲಿ ಸುಮಾರು ಮೂರು ಕಿಲೋ ಮರದ ತುಂಡುಗಳನ್ನು ನೀಡಿದರೆ, ಒಂದು ಕಿಲೋ ಬೆಲೆ ಒಂದು ಲಕ್ಷದಿಂದ ಮೂರು ಲಕ್ಷದವರೆಗೆ ಇರುತ್ತದೆ. ಈ ಅಗರ್ ಮರವನ್ನು ಅಗರ್ ವುಡ್ ಮತ್ತು ಅಗರಬತ್ತಿ ಮಾಡಲು ಬಳಸಲಾಗುತ್ತದೆ. ಮಣಿಗಳನ್ನು ಹೂಮಾಲೆ ಮತ್ತು ಕಡಗಗಳಾಗಿ ಮಾಡಲಾಗುತ್ತದೆ.
ಈ ಮರದಿಂದ ಎಣ್ಣೆ ಕೂಡಾ ತೆಗೆಯಲಾಗುತ್ತದೆ: ಕೆಲವರು ಈ ಮರದ ತುಂಡುಗಳನ್ನು ಸಂಸ್ಕರಿಸಿ ಎಣ್ಣೆಯನ್ನು ಸಂಗ್ರಹಿಸುತ್ತಾರೆ. ಮುಲಾಮು ಮತ್ತು ಔಷಧ ತಯಾರಿಕೆಯಲ್ಲಿ ಬಳಸುವ ಈ ಎಣ್ಣೆಗೆ ಅರಬ್ ರಾಷ್ಟ್ರಗಳಲ್ಲಿ ಹೆಚ್ಚಿನ ಬೇಡಿಕೆಯಿದೆ. ಗುಣಮಟ್ಟದ ಆಧಾರದ ಮೇಲೆ ಲೀಟರ್ ಎಣ್ಣೆಯ ಬೆಲೆ 30 ರಿಂದ 70 ಲಕ್ಷ ರೂ.ವರೆಗೆ ಇದೆ. ಪೀಠೋಪಕರಣ ತಯಾರಕರು ಇದನ್ನು ಹೆಚ್ಚಾಗಿ ಬಳಸುತ್ತಾರೆ.
ಅಗರ್ ವುಡ್ ಎಲೆಯೂ ಉಪಯುಕ್ತ: ಅಗರ್ ವುಡ್ ನ ಮರದ ಜೊತೆಗೆ ಎಲೆಗಳು ಸಹ ಉಪಯುಕ್ತವಾಗಿವೆ. ಅವುಗಳನ್ನು ಒಣಗಿಸಿ, ಒಣ ಎಲೆಗಳಾಗಿ ಪರಿವರ್ತಿಸಲಾಗುತ್ತದೆ. ಹಸಿರು ಚಹಾ ಎಲೆಗಳಂತೆ ಪುಡಿ ಮಾಡಲಾಗುತ್ತದೆ. ಇವುಗಳಿಂದ ತಯಾರಿಸಿದ ಟೀ ಆರೋಗ್ಯಕ್ಕೆ ಅನೇಕ ರೀತಿಯಲ್ಲಿ ಪ್ರಯೋಜನಕಾರಿಯಾಗಿದೆ.
ದಿನಕ್ಕೆ ಒಂದು ಬಾರಿ ಅಗರ್ ವುಡ್ ಟೀ ಕುಡಿದರೆ ಒತ್ತಡ, ಜೀರ್ಣಕ್ರಿಯೆ ಹಾಗೂ ಉಸಿರಾಟದ ಸಮಸ್ಯೆಗಳು ನಿಯಂತ್ರಣಕ್ಕೆ ಬಂದು ರೋಗನಿರೋಧಕ ಶಕ್ತಿ ಹೆಚ್ಚುತ್ತದೆ. ಹಾಗಾಗಿ ದಕ್ಷಿಣದ ರಾಜ್ಯಗಳ ರೈತರು ಈ ಎಲ್ಲ ಉತ್ಪನ್ನಗಳನ್ನು ತಯಾರಿಸಿ ವಿದೇಶಗಳಿಗೆ ರಫ್ತು ಮಾಡುತ್ತಿದ್ದಾರೆ. ಆದ್ದರಿಂದಲೇ ಅಗರ್ ವುಡ್ ಸುಗಂಧದ ಬೆಳೆ ಮಾತ್ರವಲ್ಲ, ನಾಳೆಗಳ ಬೆಳೆ ಎಂದು ಹೇಳಲಾಗುತ್ತದೆ.
