ಒಟ್ಟಾವಾ: ಕೆನಡಾದ ಪ್ರಧಾನಿ ಜಸ್ಟಿನ್ ಟ್ರುಡೊ ಮತ್ತು ಅವರ ಪತ್ನಿ ಸೋಫಿ ಅವರು 18 ವರ್ಷಗಳ ದಾಂಪತ್ಯ ಜೀವನದ ನಂತರ ಬೇರ್ಪಡುತ್ತಿದ್ದಾರೆ ಮತ್ತು ಕಾನೂನು ಒಪ್ಪಂದಕ್ಕೆ ಸಹಿ ಹಾಕಿದ್ದಾರೆ. ಜಸ್ಟಿನ್ ಟ್ರುಡೊ ಮತ್ತು ಸೋಫಿ ದಂಪತಿಯು ತಮ್ಮ ಸಂಬಂಧದಲ್ಲಿನ ತೊಂದರೆಗಳ ಬಗ್ಗೆ ಈ ಹಿಂದೆ ಸ್ಪಷ್ಟವಾಗಿ ಮಾತನಾಡಿದ್ದರು. ಅಷ್ಟೇ ಅಲ್ಲದೆ ಇತ್ತೀಚಿನ ವರ್ಷಗಳಲ್ಲಿ ಸಾರ್ವಜನಿಕವಾಗಿ ಕಡಿಮೆ ಬಾರಿ ಒಟ್ಟಿಗೆ ಕಾಣಿಸಿಕೊಂಡಿದ್ದರು. ಟ್ರುಡೊ (51) ಮತ್ತು ಸೋಫಿ ಗ್ರೆಗೊಯಿರ್ ಟ್ರುಡೊ (48) ಜೋಡಿಯು ಮೇ 2005ರಲ್ಲಿ ವಿವಾಹವಾದರು. ಅವರಿಗೆ 15, 14 ಮತ್ತು ಒಂಬತ್ತು ವಯಸ್ಸಿನ ಮೂರು ಮಕ್ಕಳು ಇದ್ದಾರೆ.
