ಕೇರಳ : ಯುಪಿಎಸ್‌ಸಿ ಪರೀಕ್ಷೆಯನ್ನು ದೇಶದಲ್ಲಿ ಮಾತ್ರವಲ್ಲದೆ ವಿಶ್ವದಲ್ಲೇ ಅತ್ಯಂತ ಕಠಿಣ ಪರೀಕ್ಷೆಗಳಲ್ಲಿ ಒಂದೆಂದು ಪರಿಗಣಿಸಲಾಗಿದೆ. ಇಂತಹ ಕಠಿಣ ಪರೀಕ್ಷೆಯಲ್ಲಿ ಮೊದಲ ಪ್ರಯತ್ನದಲ್ಲೇ ಫಲ ಸಿಗುವುದು ಕಷ್ಟ ಸಾಧ್ಯ. ಆದರೆ ಇವತ್ತು ನಾವು ಹೇಳುತ್ತಿರುವ ಲೇಖನ ಅಂತಹ ಅಸಾಧ್ಯವನ್ನೂ ಸಾಧ್ಯವಾಗಿಸಿದವರ ಕಥನ. ಏನನ್ನಾದರೂ ಸಾಧಿಸಲು ದೃಢನಿಶ್ಚಯ ಹೊಂದಿದ್ದರೆ, ಏನೂ ಅಸಾಧ್ಯವಲ್ಲ. ಆನಿ ಜಾರ್ಜ್ ಅವರ ಕಥೆ ಉದಾಹರಣೆ.
ಕೇರಳದ ಕಣ್ಣೂರಿನವರಾದ ಆನಿ ಜಾರ್ಜ್ UPSC CSE 2023 ಪರೀಕ್ಷೆಯಲ್ಲಿ ಯಶಸ್ವಿಯಾಗಿ ಉತ್ತೀರ್ಣರಾದರು. ಅವರು AIR 93 ಅನ್ನು ಗಳಿಸಿದರು, UPSC CSE ಪರೀಕ್ಷೆಯಲ್ಲಿ ಉತ್ತೀರ್ಣರಾದರು.
ಆನಿ ಕೇರಳ ವಿಶ್ವವಿದ್ಯಾಲಯದ ಕರಿಯಾವತ್ತಂ ಕ್ಯಾಂಪಸ್‌ನಿಂದ ಪ್ರಾಣಿಶಾಸ್ತ್ರದಲ್ಲಿ ಸ್ನಾತಕೋತ್ತರ ಪದವಿ ಪಡೆದರು. ಇದಾದ ನಂತರ, ಅವರು ನಾಗರಿಕ ಸೇವೆ ಮಾಡುವ ಕನಸು ಕಂಡರು. ಅವರ ತಂದೆ ನಿವೃತ್ತ ಪಂಚಾಯತ್ ಸಹಾಯಕ ನಿರ್ದೇಶಕರು ಮತ್ತು ತಾಯಿ ಶಾಲಾ ಶಿಕ್ಷಕಿ. ಅವರ ಯಶಸ್ಸಿನಲ್ಲಿ ಅವರ ಪೋಷಕರು ಮಹತ್ವದ ಪಾತ್ರ ವಹಿಸಿದ್ದಾರೆ.
