ಅಹಮದಾಬಾದ್‌ : ಕೇಂದ್ರ ಗೃಹ ಸಚಿವ ಅಮಿತ್ ಶಾ ಮಕರ ಸಂಕ್ರಾಂತಿಯ ಅಂಗವಾಗಿ ಮಂಗಳವಾರ ಗುಜರಾತ್‌ನ ಅಹಮದಾಬಾದ್‌ನಲ್ಲಿ ಪಟಾಂಗ್ ಹಾರಿಸಿದರು.
ಗುಜರಾತ್ ಮುಖ್ಯಮಂತ್ರಿ ಭೂಪೇಂದ್ರ ಪಟೇಲ್ ಅವರ ಜೊತೆಯಲ್ಲಿ ಶಾ ಅಹಮದಾಬಾದ್‌ನ ಮೆಮ್‌ನಗರದಲ್ಲಿರುವ ಶಾಂತಿನಿಕೇತನ ಸೊಸೈಟಿಯ ಮಂಚಿನಿಂದ ಪಟಾಂಗ್ ಹಾರಿಸುತ್ತಾ ಆನಂದಿಸಿದರು. ಪ್ರತಿವರ್ಷ ಜನವರಿ 14ರಂದು ಆಚರಿಸುವ ಮಕರ ಸಂಕ್ರಾಂತಿಯಲ್ಲಿ ಪಟಾಂಗ್ ಹಾರಿಸುವುದು ಒಂದು ಅತ್ಯಂತ ಪ್ರೀತಿಪಾತ್ರವಾದ ಆಚರಣೆಯಾಗಿದೆ.
ಮುಖ್ಯಮಂತ್ರಿ ಭೂಪೇಂದ್ರ ಪಟೇಲ್ X ಪ್ಲಾಟ್‌ಫಾರ್ಮ್‌ನಲ್ಲಿ ಪೋಸ್ಟ್ ಶೇರ್ ಮಾಡಿದ್ದು, ಅಮಿತ್ ಶಾ ಅವರನ್ನು ನೋಡಲು ಸುತ್ತಮುತ್ತಲಿನ ಕಟ್ಟಡಗಳ ಮೇಲೆ ಜನರು ಜಮಾಯಿಸಿದ್ದನ್ನು ಹಂಚಿಕೊಂಡಿದ್ದಾರೆ.”ಅಮಿತ್ ಶಾ ಅವರು ಮೆಮ್‌ನಗರದ ಶಾಂತಿನಿಕೇತನ ಸೊಸೈಟಿಯ ಸ್ಥಳೀಯರೊಂದಿಗೆ ಮಕರ ಸಂಕ್ರಾಂತಿ ಆಚರಿಸಿದ್ದು, ಈ ಹಬ್ಬದ ಸಂದರ್ಭದಲ್ಲಿ ಎಲ್ಲರಿಗೂ ಶುಭಾಶಯಗಳನ್ನು ಕೋರಿದರು,” ಎಂದು ಪಟೇಲ್ ಟ್ವೀಟ್ ಮಾಡಿದ್ದಾರೆ.
