ಹೊಸದಿಲ್ಲಿ: ರಿಜಿಸ್ಟರ್ಡ್ ಪೋಸ್ಟ್ ಸೇವೆ ಮತ್ತು ಸ್ಪೀಡ್ ಪೋಸ್ಟ್ ಸೇವೆ ಸೆಪ್ಟಂಬರ್ ಒಂದರಿಂದ ವಿಲೀನಗೊಳ್ಳಲಿದೆ ಎಂದು ಅಂಚೆ ಇಲಾಖೆಯು ತನ್ನ ಜುಲೈ 2ರ ಆಂತರಿಕ ಸುತ್ತೋಲೆಯೊಂದರಲ್ಲಿ ತಿಳಿಸಿದೆ.
ಇನ್ಮುಂದೆ ರಿಜಿಸ್ಟರ್ಡ್ ಪೋಸ್ಟ್ ನ ಸ್ಥಾನವನ್ನು ಸ್ಪೀಡ್ ಪೋಸ್ಟ್ ಆಕ್ರಮಿಸಿಕೊಳ್ಳಲಿದೆ. ಸ್ಪೀಡ್ ಪೋಸ್ಟ್ ಸೇವೆಯು ಜನರಿಗೆ ಅಗತ್ಯವಿರುವ ಸಂದರ್ಭದಲ್ಲಿ ನೆರವಾಗುತ್ತಿತ್ತು.
ರವಾನೆ ಸೇವೆಗಳನ್ನು ಸುಲಲಿತಗೊಳಿಸುವ, ಕಾರ್ಯಾಚರಣೆಯ ದಕ್ಷತೆಯನ್ನು ಹೆಚ್ಚಿಸುವ, ಜಾಡು ಪತ್ತೆ ವ್ಯವಸ್ಥೆಯನ್ನು ಸುಧಾರಿಸುವ ಮತ್ತು ಗ್ರಾಹಕ ಸಂತೃಪ್ತಿಯನ್ನು ಹೆಚ್ಚಿಸುವ ಉದ್ದೇಶದಿಂದ ಈ ಹೊಸ ಏಕೀಕೃತ ಸೇವೆಗಳನ್ನುಜಾರಿಗೆ ತರಲಾಗುವುದು ಎಂದು ಸುತ್ತೋಲೆಯಲ್ಲಿ ತಿಳಿಸಲಾಗಿದೆ.
