ಹರಿಯಾಣ : ಸರ್ಕಾರಿ ಕೆಲಸವನ್ನು ತೊರೆದು ಯುಪಿಎಸ್ ಸಿ ಪರೀಕ್ಷೆಗೆ ತಯಾರಿ ನಡೆಸಿದ ಕನಿಕಾ ರಾಠಿ ಅವರ ಸ್ಫೂರ್ತಿದಾಯ ಕಥೆ ಇಲ್ಲಿದೆ.
ಹರಿಯಾಣದ ಬಹದ್ದೂರ್ ಗಢ ನಿವಾಸಿಯಾಗಿರುವ ಕನಿಕಾ ರಾಠಿ ಯುಪಿಎಸ್ಸಿ ಪರೀಕ್ಷೆಯಲ್ಲಿ 64ನೇ ರ್ಯಾಂಕ್ ಗಳಿಸಿದ್ದಾರೆ. ಯುಪಿಎಸ್ ಸಿ ಪರೀಕ್ಷೆಗೆ ತಯಾರಿ ನಡೆಸಲು ಇವರು ಸರ್ಕಾರಿ ಕೆಲಸವನ್ನೂ ತೊರೆದಿದ್ದರು. ಕನಿಕಾ ರಾಠಿ ಐಎಎಸ್ ಆಗಲು 6 ವರ್ಷಗಳ ಕಾಲ ಶ್ರಮಿಸಿದ್ದಾರೆ.
ಸತತ 6 ವರ್ಷಗಳ ಕಠಿಣ ಪರಿಶ್ರಮದ ಬಳಿಕ 2022 ರಲ್ಲಿ ಫಲ ಸಿಕ್ಕಿತ್ತು. ಐಎಎಸ್ ಕನಿಕಾ ರಾಠಿ ಅವರ ತಂದೆ ನರೇಶ್ ಎಂಜಿನಿಯರ್, ತಾಯಿ ನೀಲಂ ತ್ರಿಪಾಠಿ ಶಿಕ್ಷಕಿ. ಕನಿಕಾ ರಾತಿ ಶಾಲಾ ದಿನಗಳಿಂದಲೂ ತುಂಬಾ ಚುರುಕಾಗಿದ್ದರು. ಬಹದ್ದೂರ್ ಗಢ್ನ ಬಾಲ ಭಾರತಿ ಶಾಲೆಯಿಂದ 12 ನೇ ತರಗತಿಯಲ್ಲಿ ಉತ್ತೀರ್ಣರಾದ ನಂತರ, ಅವರು ದೆಹಲಿಯ ಕಿರೋರಿ ಮಾಲ್ ಕಾಲೇಜಿನಿಂದ ಗಣಿತದಲ್ಲಿ ಬಿಎಸ್ಸಿ ಪದವಿ ಪಡೆದರು.
ಐಎಎಸ್ ಕನಿಕಾ ರಾಠಿ ಅವರು 2015ರಲ್ಲಿ ದೆಹಲಿಯ ಕರೋಲ್ ಬಾಗ್ ನಲ್ಲಿರುವ ಕೋಚಿಂಗ್ ಸೆಂಟರ್ ನಿಂದ ಯುಪಿಎಸ್ಸಿ ಪರೀಕ್ಷೆಗೆ ತಯಾರಿ ಆರಂಭಿಸಿದರು. 2016 ಮತ್ತು 2017ರಲ್ಲಿ ಅನುತ್ತೀರ್ಣರಾದರು. 2019 ರಲ್ಲಿ, ಕನಿಕಾ ರಥಿ ಅವರು ಗೃಹ ಸಚಿವಾಲಯದಲ್ಲಿ ಕೆಲಸ ಪಡೆದರು. ಕೆಲ ಕಾಲ ಪಾಟ್ನಾದ ಐಬಿ ಇಲಾಖೆಯಲ್ಲಿ ಸರ್ಕಾರಿ ನೌಕರಿ ಮಾಡಿದ ಬಳಿಕ ಪೋಷಕರ ಒಪ್ಪಿಗೆ ಮೇರೆಗೆ ರಾಜೀನಾಮೆ ನೀಡಿದರು. 30 ಏಪ್ರಿಲ್ 2022 ರಂದು UPSC ಸಂದರ್ಶನವನ್ನು ನೀಡಿದ ನಂತರ, ಅದರ ಫಲಿತಾಂಶವು 30 ಮೇ 2022 ರಂದು ಬಂದಿತು. ಕೊನೆಗೆ ನಾಲ್ಕನೇ ಪ್ರಯತ್ನದಲ್ಲಿ ಪರೀಕ್ಷೆಯಲ್ಲಿ ತೇರ್ಗಡೆಯಾಗಿ ಐಎಎಸ್ ಆದರು.
