ಚಿತ್ರದುರ್ಗ: ಗುರು-ಶಿಷ್ಯ ಭಾಂದವ್ಯ ಸುಖಿ ಸಮಾಜದ ಹೆಗ್ಗುರುತಾಗಿರಲು ಗುರು ಶಿಷ್ಯರು ಶ್ರಮಿಸಬೇಕೆಂದು ನಿವೃತ್ತ ಉಪನಿರ್ದೇಶಕರಾದ ಎನ್.ಎಂ ರಮೇಶ್ ಅವರು ಹೇಳಿದರು.
ಅವರು ಚಳ್ಳಕೆರೆ ತಾಲ್ಲೂಕಿನ ನಲಗೇತನ ಹಟ್ಟಿಯಲ್ಲಿ ನಡೆದ ಗುರುವಂದನಾ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡುತ್ತಾ, ಹಳೆಯವ ವಿದ್ಯಾರ್ಥಿಗಳು ಹಾಗೂ ಗ್ರಾಮಸ್ಥರು ಸೇರಿಕೊಂಡು ನಡೆಸಿದ ಈ ಕಾರ್ಯಕ್ರಮ ಎಲ್ಲರಿಗೂ ಮಾದರಿಯಾಗಿದೆ ಎಂದು ಹೇಳಿದರು. ಈ ಗ್ರಾಮದ ಶಾಲೆಯಲ್ಲಿ ಓದಿದವರು ಸೇರಿಕೊಂಡು ಇಂತಹ ಕಾರ್ಯಕ್ರಮ ಅಪರೂಪವಾಗಿದೆ.
ಇದೇ ಸಂದರ್ಭದಲ್ಲಿ ನಿವೃತ್ತ ಜಿಲ್ಲಾ ಆರೋಗ್ಯ ಅಧಿಕಾರಿಗಳಾದ ಡಾಕ್ಟರ್ ಸಿ.ಎಲ್. ಪಾಲಾಕ್ಷ ಅವರು ಇದೇ ಶಾಲೆಯಲ್ಲಿ ಕರ್ತವ್ಯ ನಿರ್ವಹಿಸಿ ನಿವೃತ್ತ ರಾದ ಹುರುಳಿ ಬಸವರಾಜ್ ಅವರ ಬರೆದ ಸಜ್ಜನರಾಗೋಣ ಎಂಬ ಕೃತಿ ಹಾಗೂ ಇದೇ ಶಾಲೆಯ ಹಳೇ ವಿದ್ಯಾರ್ಥಿ ಕೆ.ಎಂ. ಸಾರಥಿ ಸುರೇಶ್ ಬರೆದ ಪ್ರೇಮ ಕೋಟೆಗೆ ಎರಗಿತು ಪ್ರಳಯ ಎಂಬ ನಾಟಕದ ಕೃತಿಯನ್ನು ಬಿಡುಗಡೆಗೊಳಿಸಿದರು. ಒಂದೇ ವೇದಿಕೆಯಲ್ಲಿ ಗುರು-ಶಿಷ್ಯರು ಬರೆದ ಕೃತಿಗಳನ್ನು ಬಿಡುಗಡೆ ಮಾಡಿದ್ದು ಒಂದು ವಿಶೇಷವಾದ ಪ್ರಸಂಗ ಎಂದು ಬಣ್ಣಸಿದರು. ಗುರುವಂದನಾ ಕಾರ್ಯಕ್ರಮದಲ್ಲಿ 30 ಮಂದಿ ಪ್ರಾಥಮಿಕ ಹಾಗೂ ಪ್ರೌಢಶಾಲಾ ಶಿಕ್ಷಕರನ್ನು ಗೌರವಿಸಲಾಯಿತು.
ಗ್ರಾಮ ಪಂಚಾಯಿತಿ ಮಾಜಿ ಅಧ್ಯಕ್ಷರಾದ ಪಾಲಮ್ಮ ಪೂರ್ಣ ಓಬಯ್ಯ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿದ್ದರು. ವೇದಿಕೆಯ ನಿವೃತ್ತ ಶಿಕ್ಷಕರಾದ ಸೀತಾರಾಮಯ್ಯ, ನರಸನಗೌಡ್ರು, ತಿಪ್ಪೇಸ್ವಾಮಿ , ವೆಂಕಟೇಶ ರೆಡ್ಡಿ, ಚಿನ್ಮಯ ರೆಡ್ಡಿ ಬಿ.ವಿ.ನಾಥ್ ಮುಂತಾದವರು ಇದ್ದರು. ಪ್ರಾರ್ಥನೆ ಮಹಾಲಕ್ಷ್ಮಿ ಸ್ವಾಗತ ಪುರಂದರ ನಿರೂಪಣೆ ರಾಮಕೃಷ್ಣ ವಂದನಾರ್ಪಣೆ ಪಿ.ಎನ್. ಮುತ್ತಯ್ಯ ನೆರವೇರಿಸಿದರು.
