ಉಡುಪಿ : ಏಪ್ರಿಲ್ 26 ರಾಜ್ಯಾದ್ಯಂತ ಈಡುಗಾಯಿ ಪ್ರತಿಭಟನೆ ನಡೆಸಲು ಉಡುಪಿಯಲ್ಲಿ ಕನ್ನಡಪರ ಹೋರಾಟಗಾರ ವಾಟಾಳ್ ನಾಗರಾಜ್ ಕರೆ ನೀಡಿದ್ದಾರೆ.
ರಾಜ್ಯಾದ್ಯಂತ 2 ಕೋಟಿ ಈಡುಗಾಯಿ ಹೊಡೀಬೇಕು. ಮಹಾದಾಯಿ, ಕಳಸಾ ಬಂಡೂರಿ, ಮೇಕೆದಾಟು ಉದ್ಯೋಗ, ಗ್ರೇಟರ್ ಬೆಂಗಳೂರು, ಸಮಗ್ರ ಕರ್ನಾಟಕದ ಬೇಡಿಕೆಗೆ ಆಗ್ರಹಿಸಿ ಇಡೀ ರಾಜ್ಯ ಈಡುಗಾಯಿ ಚಳುವಳಿ ಮೂಲಕ ಒತ್ತಾಯ ಮಾಡಬೇಕು ಎಂದು ಸುದ್ದಿಗೋಷ್ಠಿಯನ್ನುದ್ದೇಶಿಸಿ ಮಾತನಾಡಿದರು.
ಮಸೀದಿ, ಹೋಟೆಲ್, ದೇವಸ್ಥಾನ, ಅಂಗಡಿ ಎಲ್ಲಿಯಾದರೂ ಕಾಯಿ ಒಡೀರಿ. ಈಡುಗಾಯಿ ಎಲ್ಲದಕ್ಕೂ ಬಳಸುವ ವಸ್ತು ಅದರಲ್ಲೊಂದು ಶಕ್ತಿಯಿದೆ. ತೆಂಗಿನಕಾಯಿಗೆ 50 ರುಪಾಯಿ ಆದ್ರೂ ಪರವಾಗಿಲ್ಲ. ಒಂದು ಈಡ್ ಗಾಯಿ ಹೊಡೆದರೆ ಆಕಾಶ ಏನು ಬಿದ್ದು ಹೋಗಲ್ಲ. ಎಲ್ಲ ಹೋರಾಟಕ್ಕೂ ಕನ್ನಡಿಗರು ಸಿದ್ದ ಇರಬೇಕು. ನಾಡಿಗಾಗಿ ಕನ್ನಡಕ್ಕಾಗಿ ಕಾಯಿ ಒಡಿಯೋಣ ಎಂದು ಹೇಳಿದರು.
ರಿಷಬ್ ಶೆಟ್ಟಿ ಶಿವಾಜಿ ಪಾತ್ರದಲ್ಲಿ ಅಭಿನಯ ವಿಚಾರದಲ್ಲಿ ಉಡುಪಿಯಲ್ಲಿ ವಾಟಾಳ್ ನಾಗರಾಜ್ ಪ್ರತಿಕ್ರಿಯೆ ನೀಡಿ, “ಶಿವಾಜಿ ಸಿನಿಮಾ ಬಗ್ಗೆ ಮಾತನಾಡಿ ಯಾಕೆ ತಕರಾರು ಮಾಡಬೇಕು. ಕಾಂತಾರ ಮಾಡಿದ ರಿಷಬ್ ಶಿವಾಜಿ ಸಿನೆಮಾ ಮಾಡ ಕೂಡದು.ಕಾಂತಾರಕ್ಕೆ ವ್ಯಾಪಕ ಪ್ರಶಂಸೆ, ಹಣ- ಗೌರವ ಬಂತು. ರಾಜ್ಯದಲ್ಲಿ ದೊಡ್ಡ ದೊಡ್ಡ ಮಹಾನೀಯರು ಸ್ವಾತಂತ್ರ್ಯ ಹೋರಾಟಗಾರರಿದ್ದಾರೆ. ರಿಷಬ್ ಶಿವಾಜಿ ಪಾತ್ರ ಮಾಡಿ ಕಾಂತಾರದಲ್ಲಿ ಸಿಕ್ಕ ಗೌರವ ಕಳ್ಕೋತಾರೆ ಎಂದರು.
ಶಿವಾಜಿ ಪಾತ್ರ ಮಾಡಬಾರದು, ಇದು ಒಳ್ಳೆ ಸೂಚನೆ ಅಲ್ಲ. ಈ ಬಗ್ಗೆ ರಿಷಬ್ ಶೆಟ್ಟಿ ಏನು ತೀರ್ಮಾನ ತೆಗೆದುಕೊಳ್ಳುತ್ತಾರೆ ನೋಡೋಣ ಎಂದರು.
