ಹೊಳಲ್ಕೆರೆ : ಮಳೆಗಾಗಿ ಪ್ರಾರ್ಥಿಸಿ ಮಾರುತಿ ನಿವೃತ್ತ ನೌಕರರ ಸಂಘದಿಂದ ಮಲ್ಲಾಡಿಹಳ್ಳಿ ಸಮೀಪವಿರುವ ಕೆಂಗುಂಟೆಯಲ್ಲಿ ಆಂಜನೇಯಸ್ವಾಮಿ ದೇವಸ್ಥಾನದ ಹತ್ತಿರ ಗೋ ಪೂಜೆ ನೆರವೇರಿಸಲಾಯಿತು.
ಮಾರುತಿ ನಿವೃತ್ತ ನೌಕರರ ಸಂಘದ ಅಧ್ಯಕ್ಷ ಎಲ್.ಬಿ.ರಾಜಪ್ಪ ಕೆಂಗುಂಟೆ ಮಾತನಾಡಿ ಮಳೆ-ಬೆಳೆಯಿಲ್ಲದೆ ರೈತರು ಸಂಕಷ್ಟದಲ್ಲಿದ್ದಾರೆ. ತೋಟಗಳು ಒಣಗುತ್ತಿವೆ.
ಗೋವುಗಳ ದೇಹದಲ್ಲಿ ಕೋಟ್ಯಾನುಕೋಟಿ ದೇವತೆಗಳು ನೆಲೆಸಿರುತ್ತಾರೆಂಬ ನಂಬಿಕೆ ಹಿಂದಿನಿಂದಲೂ ರೂಢಿಯಲ್ಲಿರುವುದರಿಂದ ಗೋವುಗಳನ್ನು ಪೂಜಿಸಿದ್ದೇವೆ. ಈಗಲಾದರೂ ಸಮೃದ್ದ ಮಳೆ ಕರುಣಿಸಿ ರೈತರ ಬದುಕನ್ನು ಹಸನಾಗಲಿ ಎಂದು ಭಗವಂತನಲ್ಲಿ ಪ್ರಾರ್ಥಿಸಿದ್ದೇವೆಂದರು.
ಎಲ್.ರಂಗಪ್ಪ, ಡಾ.ಎಸ್.ಪಿ.ರವಿ ಇವರುಗಳು ಗೋಪೂಜೆಯಲ್ಲಿ ಪಾಲ್ಗೊಂಡಿದ್ದರು.