Bcsuddi Kannada News
www.bcsuddi.com is an Kannada web portal founded by Basavaraju C. The website provides news updates, karnataka, india, world, sports, entertainment, film news in Kannada

ಸೂರ್ಯ, ಚಂದ್ರನ ಬಳಿಕ ನಕ್ಷತ್ರಪುಂಜದತ್ತ ಕಣ್ಣಿಟ್ಟ ಇಸ್ರೋ

0

ನವದೆಹಲಿ: ಚಂದ್ರಯಾನ -3 ಯಶಸ್ವಿಯ ಬಳಿಕ ಆದಿತ್ಯ- ಎಲ್ 1 ಉಡಾವಣೆಗೊಳಿಸಿರುವ ಇಸ್ರೋ ಇದೀಗ ನಕ್ಷತ್ರಪುಂಜದತ್ತ ಕಣ್ಣಿಟ್ಟಿದೆ.

ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆಯು ಬ್ರಹ್ಮಾಂಡದಲ್ಲಿನ ಕೆಲವು ನಿಗೂಢ ರಹಸ್ಯಗಳನ್ನು ಭೇದಿಸುವ ನಿಟ್ಟಿನಲ್ಲಿ ಹೆಜ್ಜೆಯಿಟ್ಟಿದ್ದು, ’ಎಕ್ಸ್‌ಪೋಸ್ಯಾಟ್‌'(ಎಕ್ಸ್‌-ರೇ ಪೋಲಾರಿಮೀಟರ್‌ ಸ್ಯಾಟಲೈಟ್‌) ಪ್ರಾಜೆಕ್ಟ್ ಬಗ್ಗೆ ಘೋಷಿಸಿದೆ.

ಇನ್ನು ಭೂಮಿಯ ಕೆಳ ಕಕ್ಷೆಯನ್ನು ತಲುಪಲಿರುವ ಈ ಬಾಹ್ಯಾಕಾಶನೌಕೆಯಲ್ಲಿ ಎರಡು ಪ್ರಮುಖ ವೈಜ್ಞಾನಿಕ ಸಲಕರಣೆಗಳು ಇರುತ್ತವೆ. ಈ ಪೈಕಿ ಒಂದು ಪಾಲಿಕ್ಸ್‌(ಪೋಲಾರಿಮೀಟರ್‌ ಇನ್‌ಸ್ಟ್ರೆಮೆಂಟ್‌ ಇನ್‌ ಎಕ್ಸ್‌-ರೇಸ್‌). ಧ್ರುವೀಕರಣದ ಮಟ್ಟ, ಕೋನ ಸೇರಿದಂತೆ ಧ್ರುವೀಯ ಮಾನದಂಡವನ್ನು ಅಳೆಯಲು ಸಾಧ್ಯವಾಗುವಂತೆ ಪಾಲಿಕ್ಸ್‌ ಅನ್ನು ವಿನ್ಯಾಸಗೊಳಿಸಲಾಗಿದೆ. ಇದು ಮಧ್ಯಮ ಪ್ರಮಾಣದ(8-30 ಕಿಲೋ ಎಲೆಕ್ಟ್ರಾನ್‌ ವೋಲ್ಟ್) ಎಕ್ಸ್‌-ರೇ ಶಕ್ತಿಯತ್ತ ಗಮನ ಕೇಂದ್ರೀಕರಿಸಿರುತ್ತದೆ.

ಎರಡನೆಯದ್ದು ಎಕ್ಸ್‌ಸ್ಪೆಕ್ಟ್(ಎಕ್ಸ್‌-ರೇ ಸ್ಪೆಕ್ಟ್ರೋಸ್ಕೋಪಿ ಆ್ಯಂಡ್‌ ಟೈಮಿಂಗ್‌) ಸಾಧನ. ಇದು 0.8ರಿಂದ 15 ಕಿಲೋ ಎಲೆಕ್ಟ್ರಾನ್‌ ವೋಲ್ಟ್ ಶಕ್ತಿಯ ವ್ಯಾಪ್ತಿಯಲ್ಲಿ ಸ್ಪೆಕ್ಟ್ರೋಸ್ಕೋಪಿಕ್‌ ದತ್ತಾಂಶಗಳನ್ನು ಒದಗಿಸುತ್ತದೆ ಎನ್ನಲಾಗಿದೆ.

Leave A Reply

Your email address will not be published.