Bcsuddi Kannada News
www.bcsuddi.com is an Kannada web portal founded by Basavaraju C. The website provides news updates, karnataka, india, world, sports, entertainment, film news in Kannada

[vc_row][vc_column]

BREAKING NEWS

[/vc_column][/vc_row]

ಮಕ್ಕಳಲ್ಲಿ ಉಸಿರಾಟದ ಸಮಸ್ಯೆಗೆ ಕಾರಣವಾಗುವ ಈ ಆರ್​ಎಸ್​ವಿ ವಿರುದ್ಧ ಮೊದಲ ಲಸಿಕೆಗೆ ಎಫ್​ಡಿಎ ಅನುಮೋದನೆ…!

0

ನವಜಾತ ಶಿಶುಗಳನ್ನು ಉಸಿರಾಟದ ಸಿನ್ಸಿಟಿಯಲ್ ವೈರಸ್‌ (ಆರ್​ಎಸ್​ವಿ)ಯಿಂದ ರಕ್ಷಣೆ ಮಾಡುವ ಮೊದಲ ಲಸಿಕೆಗೆ ಅಮೆರಿಕದ ಫುಡ್​ ಅಂಡ್​ ಡ್ರಗ್​​ ಆಡ್ಮಿನಿಸ್ಟ್ರೇಷನ್​ (ಎಫ್​ಡಿಎ) ಅನುಮೋದನೆ ನೀಡಿದೆ ಎಂದು ಅಂತಾರಾಷ್ಟ್ರೀಯ ಆಂಗ್ಲ ದೈನಿಕವೊಂದು​ ವರದಿ ಮಾಡಿದೆ.

ಈ ಲಸಿಕೆಯನ್ನು ಫೈಜರ್​ ತಯಾರಿಸಿದ್ದು, ಕಡೆಯ ಹಂತದ ಗರ್ಭಾವಧಿಯಲ್ಲಿ ತಾಯಿಗೆ ಈ ಲಸಿಕೆಯನ್ನು ನೀಡುವ ಮೂಲಕ ಮಗುವನ್ನು ಹುಟ್ಟಿನ ಮೊದಲ ಆರು ತಿಂಗಳ ಕಾಲ ಈ ಸೋಂಕಿನಿಂದ ರಕ್ಷಿಸಬಹುದಾಗಿದೆ.

ಈ ಲಸಿಕೆ ಪ್ರಯೋಗದ ವೇಳೆ 7 ಸಾವಿರ ಗರ್ಭಿಣಿಯರಿಗೆ ಈ ಲಸಿಕೆ ನೀಡಲಾಗಿದೆ. ಈ ಲಸಿಕೆಗೆ ಅಬ್ರಿಸ್ಟೊ ಎಂದು ಹೆಸರಿಡಲಾಗಿದೆ. ಈ ಲಸಿಕೆಯು ನವಜಾತ ಶಿಶುಗಳು ಉಸಿರಾಟ ಸಮಸ್ಯೆಯಿಂದ ಆಸ್ಪತ್ರೆಗೆ ದಾಖಲಾಗುವ ಅಪಾಯವನ್ನು ತಪ್ಪಿಸುತ್ತದೆ.

ಆರ್​ಎಸ್​ವಿ ಎಂಬುದು ಸಾಮಾನ್ಯ ಅನಾರೋಗ್ಯವಾಗಿದ್ದು, ನವಜಾತ ಶಿಶುಗಳನ್ನು ಪ್ರತಿವರ್ಷ ಆಸ್ಪತ್ರೆಗೆ ದಾಖಲಾಗುವಂತೆ ಮಾಡುವ ಪ್ರಮುಖ ಸಮಸ್ಯೆಯಾಗಿದೆ. ಅದರಲ್ಲೂ ಚಳಿಗಾಲದಲ್ಲಿ ಶಿಶುಗಳಲ್ಲಿ ಈ ಸಮಸ್ಯೆ ಹೆಚ್ಚು ಕಾಡುತ್ತದೆ. ಕಡೆಯ ಆರ್​​ಎಸ್​ವಿ ಸೀಸನ್​ ದೀರ್ಘವಾಗಿದ್ದು, ಸಾಮಾನ್ಯಕ್ಕಿಂತ ಹೆಚ್ಚು ಗಂಭೀರವಾಗಿ ಇರುತ್ತದೆ.

ಎಫ್​ಡಿಎ ಕೇಂದ್ರ ನಿರ್ದೇಶಕರಾದ ಪೀಟರ್​ ಮಾರ್ಕ್​ ಈ ಲಸಿಕೆ ಕುರಿತು ಮಾತನಾಡಿದ್ದು, ಆರ್​ಎಸ್​ವಿ ಎಂಬುದು ಮಕ್ಕಳಲ್ಲಿ ಕಾಡುವ ಸಾಮಾನ್ಯ ಅನಾರೋಗ್ಯವಾಗಿದೆ. ನವಜಾತ ಶಿಶುಗಳ ಇದರ ಗಂಭೀರ ಅಪಾಯಕ್ಕೆ ಒಳಗಾಗುವಂತೆ ಮಾಡುತ್ತದೆ. ಇದರಿಂದ ಅವರು ಆಸ್ಪತ್ರೆಗೆ ದಾಖಲಾಗುವ ಸಂಭವ ಹೆಚ್ಚಿರುತ್ತದೆ.

ಎಫ್​ಡಿಎ ನೀಡಿರುವ ಈ ಅನುಮೋದನೆಯಿಂದ ವೈದ್ಯರು ಇದೀಗ ಜೀವಕ್ಕೆ ಅಪಾಯ ತರುವ ಇಂತಹ ರೋಗಗಳಿಂದ ನವಜಾತ ಶಿಶುಗಳನ್ನು ರಕ್ಷಿಸಲು ಗರ್ಭಿಣಿಯರಿಗೆ ಲಸಿಕೆ ಪಡೆಯಲು ಸಾಧ್ಯವಾಗುವಂತೆ ಮಾಡಲಾಗಿದೆ ಎಂದು ಅಮೆರಿಕದ ಪ್ರಮುಖ ದೈನಿಕ ವರದಿ ಮಾಡಿದೆ. ಆರ್​ಎಸ್​ವಿ ವಿರುದ್ಧ ರಕ್ಷಣೆ ಮಾಡುವ ಅನೇಕ ಮಾರ್ಗಗಳಿವೆ. ಇತ್ತೀಚಿಗೆ ಮಗು ಜನನವಾದ ಬಳಿಕ ತಕ್ಷಣಕ್ಕೆ ಅದಕ್ಕೆ ಆಯಂಟಿಬಾಡಿ ಇಂಜೆಕ್ಷನ್​ ನೀಡಲು ಅನುಮತಿ ನೀಡಲಾಗಿದೆ. ಈ ಹೊಸ ಲಸಿಕೆ 60ವರ್ಷ ಹಾಗೂ ಅದಕ್ಕಿಂತ ಹೆಚ್ಚಿನ ವಯಸ್ಸಿನವರಿಗೂ ನೀಡಲಾಗುವುದು

ಲಸಿಕೆಗೆ ಅನುಮೋದನೆ ನೀಡಿರುವ ಕುರಿತು ಫೈಜರ್​ ಹಿರಿಯ ಉಪಾಧ್ಯಕ್ಷ ಅನ್ನಾಲೀಸಾ ಆಂಡರ್ಸನ್ ಮಾತನಾಡಿ, ನವಜಾತಶಿಶುಗಳು ಹುಟ್ಟಿದ ಆರು ತಿಂಗಳಲ್ಲಿ ಅತ್ಯಂತ ಜಾಗರೂಕವಾಗಿ ನೋಡಿಕೊಳ್ಳಬೇಕಾಗುತ್ತದೆ. ಈ ಅವಧಿಯಲ್ಲಿ ರಕ್ಷಣೆ ಮಾಡಲು ಒಂದು ಮೈಲಿಗಲ್ಲು ಆಗಿದ್ದು, ಈ ವೇಳೆ ಆರ್​ಎಸ್​ವಿ ವಿರುದ್ಧ ರಕ್ಷಿಸುವಲ್ಲಿ ಅಬ್ರಿಸ್ಟೊ ಪ್ರಮುಖವಾಗಿದೆ. ಇದು ಮಗುವನ್ನು ರಕ್ಷಿಸಲು ಗರ್ಭಿಣಿ ತಾಯಂದಿರಿಗೆ ನೀಡುವ ಮೊದಲ ಲಸಿಕೆ ಆಗಿದೆ ಎಂದಿದ್ದಾರೆ

ಈ ಮಾತ್ರೆಯನ್ನು ಗರ್ಭಿಣಿಯರಿಗೆ ನೀಡುವುದರಿಂದ ಪ್ರತಿ ವರ್ಷ ಆರ್‌ಎಸ್‌ವಿ ಕಾರಣದಿಂದಾಗಿ 16,000 ಮಂದಿ ಆಸ್ಪತ್ರೆಗೆ ದಾಖಲಾಗುವುದನ್ನು ಮತ್ತು 300,000 ಕ್ಕೂ ಹೆಚ್ಚು ವೈದ್ಯರ ಭೇಟಿಗಳನ್ನು ತಡೆಯಬಹುದು ಎಂದು ಫೈಜರ್ ತನ್ನ ಹೇಳಿಕೆಯಲ್ಲಿ​ ತಿಳಿಸಿದೆ.

Leave A Reply

Your email address will not be published.