ರಾಜಸ್ಥಾನ : ಯೂನಿಯನ್ ಪಬ್ಲಿಕ್ ಸರ್ವಿಸ್ ಕಮಿಷನ್ 2023 ರ ಫಲಿತಾಂಶದಲ್ಲಿ, ಕರೌಲಿಯ ಯೋಗೇಶ್ ಮೀನಾ ಅವರು 66 ನೇ ರ್ಯಾಂಕ್ ಪಡೆಯುವ ಮೂಲಕ ಯಶಸ್ಸನ್ನು ಸಾಧಿಸಿದ್ದಾರೆ. ಯುಎಸ್‌ಎನಲ್ಲಿ ಲಕ್ಷಗಳ ಸಂಬಳದ ಕೆಲಸ ಬಿಟ್ಟು ಭಾರತಕ್ಕೆ ಬಂದ ಯೋಗೇಶ್ ಮೀನಾ ಅವರ ಸಾಧನೆಯ ಕಥೆಯನ್ನು ತಿಳಿಯೋಣ. ರಾಜಸ್ಥಾನದ ಕರೌಲಿ ಜಿಲ್ಲೆಯ ಸಣ್ಣ ಹಳ್ಳಿಯಿಂದ ಬಂದ ಯೋಗೇಶ್ ಮೀನಾ. 2023 ರ ಯುಪಿಎಸ್‌ಸಿ ಪರೀಕ್ಷೆಯಲ್ಲಿ 66ನೇ ರ್ಯಾಂಕ್ ಗಳಿಸಿ ನಾಗರಿಕ ಸೇವೆಯಲ್ಲಿ ತೇರ್ಗಡೆಯಾಗಿದ್ದಾರೆ.
ಮೊದಲು ಯೋಗೇಶ್ 2022ರ ಸಿವಿಲ್ ಸರ್ವೀಸಸ್ ಪರೀಕ್ಷೆ ಬರೆದರು. ಆದರೆ ಮೊದಲ ಪ್ರಯತ್ನದಲ್ಲಿ ಸೋತರೂ ಛಲ ಬಿಡದೆ ಎರಡನೆ ಪ್ರಯತ್ನದಲ್ಲಿ ಪರಿಶ್ರಮ ಪಟ್ಟು ಯೋಗೇಶ್ 2023 ರ ಫಲಿತಾಂಶದಲ್ಲಿ ಯಶಸ್ಸನ್ನು ಪಡೆದರು. ಎರಡನೇ ಪ್ರಯತ್ನದಲ್ಲಿ 66 ನೇ ಸ್ಥಾನ ಪಡೆಯುವ ಮೂಲಕ ಸಿವಿಲ್ ಸರ್ವಿಸಸ್ ನಲ್ಲಿ ಯಶಸ್ಸು ಗಳಿಸಿದರು. ಯೋಗೇಶ್ ಮೀನಾ ಓದಿದೆಲ್ಲ ಮುಂಬೈನಲ್ಲಿ. ಅವರ ತಂದೆ ಮುಂಬೈನಲ್ಲಿ ಕಸ್ಟಮ್ಸ್ ಇಲಾಖೆಯಲ್ಲಿ ಕೆಲಸ ಮಾಡುತ್ತಿದ್ದರು. ಹಾಗಾಗಿ ಮುಂಬೈನಲ್ಲಿ ಯೋಗೇಶ್ ಅವರು ಐಐಟಿ ಬಾಂಬೆಯಿಂದ ಕಂಪ್ಯೂಟರ್ನಲ್ಲಿ ಪದವಿ ಪಡೆದರು. ಪದವಿಯನ್ನು ಪೂರ್ಣಗೊಳಿಸಿದ ನಂತರ, ಅವರು 2020 ರಲ್ಲಿ 70 ಲಕ್ಷ ರೂಪಾಯಿಗಳ ವಾರ್ಷಿಕ ಪ್ಯಾಕೆಜ್‌ ನೊಂದಿಗೆ ಅಮೇರಿಕನ್ ಕಂಪನಿಯಲ್ಲಿ ಸ್ಥಾನ ಪಡೆದರು.
ಆದರೆ ಮೊದಲಿನಿಂದಲೂ ಅವರ ಆಸೆ ಆಡಳಿತ ಸೇವೆಯಲ್ಲಿ ಕೆಲಸ ಮಾಡುವುದು ಆಗಿತ್ತು. ಹೀಗಾಗಿ ಭಾರತಕ್ಕೆ ಬಂದ ನಂತರ ಅವರು 2022 ರಲ್ಲಿ ಮುಂಬೈನಲ್ಲಿ ಕೋಚಿಂಗ್ ತೆಗೆದುಕೊಳ್ಳುವ ಮೂಲಕ UPSC ಗೆ ತಯಾರಿ ನಡೆಸಿದರು. ಆದರೆ ಮೊದಲ ಪ್ರಯತ್ನದಲ್ಲಿ ಯಶಸ್ಸು ಸಿಗದೆ ಎರಡನೇ ಪ್ರಯತ್ನದಲ್ಲಿ ಉತ್ತಮ ಸ್ಥಾನ ಸಿಗುವ ಮೂಲಕ ಯಶಸ್ಸು ಪಡೆದರು.
